نكات (1)

**صقر الجديان** الأحد نوفمبر 08, 2009 1:09 am

مسطول ماشي في غابه قام سكاهو اسد المسطول جاري والاسد جاري وراهو
المسطول لمن تعب قال للاسد تعال اكلني تاكل السم

اتنين مساطيل واحد شايل بطارية وبفتش بيها في الضلمة والتاني بعاين فيهو
جاء واحد ماشي في الشارع وسأل المسطول الزول دا بفتش في شنو؟ المسطول قال ليهو بفتش للطاقية بتاعتو الراجل قال ليهو غريبة الزول دا لابس الطاقية ياخي
المسطول قال ليهو يمكن بفتش للفردة التانية

شايقى مرشح نفسو للانتخابات كاتب لافتة (وعسى ان تكرهوا شيئاً وهو خير لكم)

ميكانيكي مسطول شايلين جنازة ابوه
واحد قال ليهو ابوك ده مالو تقيل كدا
رد عليه المسطول : يكون مات معشق